Հղումը այստեղ. Բանավոր հարցման ռուբրիկ
ԲԱՆԱՎՈՐ ՀԱՐՑՄԱՆ ԳՆԱՀԱՏՄԱՆ ՌՈՒԲՐԻԿ
Հարգելի՛ գործընկեր, ինչպես գիտեք, միավորային և ձևավորող գնահատման տեսակներից
մեկը բանավոր հարցումն է, որն իրականացվում է բոլոր դասարաններում և բոլոր առարկաներից։
Անվանումն արդեն հուշում է, որ ստուգման ժամանակ կարևոր դեր է հատկացվում բանավոր
խոսքին, հետևաբար, գնահատելիս ևս պետք է հաշվի առնել բանավոր խոսքին առնչվող որոշակի
չափանիշներ: Բանավոր հարցման միջոցով ստուգվում են ինչպես սովորողի մտապահման ու վերարտադրման,
այնպես էլ նյութի գիտակցված ընկալման մակարդակը:
Սույն ռուբրիկը նախատեսված է բանավոր հարցման ձևավորող գնահատման համար, որի
արդյունքում միավորային գնահատում չի ենթադրվում: Ռուբրիկը ընդհանրական բնույթ ունի
և կարող է կիրառվել բոլոր առարկաների շրջանակում՝ անհրաժեշտության դեպքում ենթարկվելով
մասնակի տեղայնացումների (տարրական և միջին դպրոցներ):
Առանձնացրել ենք բանավոր խոսքին ներկայացվող 4 հիմնական պահանջներ՝ բովանդակությանը,
լեզվական կողմին ու բառապաշարին, կառուցվածքին և արտահայտման (ներկայացման) ձևին:
Սովորողի բանավոր պատասխանին զուգահեռ հնարավոր է ընտրել, թե որ չափանիշը սովորողը
ինչ մակարդակով է ապահովում: Դիտարկումների և կատարած նշումների հիման վրա պլանավորվում
է արդյունքների բարելավմանն ուղղված հետագա աշխատանքը:
Comments
Post a Comment