Տարրական դպրոցում կարդալու կարողության ստուգումը

 

ՏԱՐՐԱԿԱՆ ԴՊՐՈՑՈՒՄ ԿԱՐԴԱԼՈՒ ԿԱՐՈՂՈՒԹՅԱՆ ՍՏՈՒԳՈՒՄԸ 

Տարրական դպրոցում ընթերցանության գնահատումն իրականացվում է հետևյալ ուղղություններով.

·       Ընթերցման տեմպ (արագությունը՝ րոպեում կարդացած բառերի քանակը)

·       Ընթերցման եղանակ (տառ առ տառ, վանկերով, ամբողջական բառերով)

·       Ճշգրտություն (բարձրաձայն կարդալու դեպքում՝ առանց սխալների, այսինքն ՝ առանց կրկնությունների, տառերի փոխարինման, բացթողումների և այլն);

·       Արտահայտչականություն (բարձրաձայն կարդալու դեպքում՝ ինտոնացիոն դադարներ, շեշտի կարգավորում, ձայնի բարձրություն և այլն);

·       Տեղեկացվածություն (ընթերցածի ընկալում):

 Ի ՞նչը պետք է հաշվի առնել տարրական դպրոցում ընթերցանության գնահատումն  իրականացնելիս.

·       1-ին դասարանում կարդալու եղանակը սկզբում վանկային է, սակայն պետք է ձգտել հնարավորինս արագ անցնել բառերով կարդալուն՝ երկտառ, եռատառ բառերից անցում կատարելով երկվանկ, եռավանկ բառերի:

·       Կարդացած բառերը հաշվելիս (ընթերցանության տեմպը) հաշվի են առնվում բոլոր բառերը (կապեր, շաղկապներ):

·       2-4-րդ դասարաններում կարևոր է հաշվի առնել ոչ միայն ընթերցանության տեմպը, այլև այլ ցուցանիշներ` ընկալում, ճշգրտություն, ընթերցման ձև:

·       4-րդ դասարանի ավարտին աշակերտը բարձրաձայն պետք է կարդա այնպիսի արագությամբ, որը հասանելի է սովորողի խոսքի ապարատի շարժումներին և տեքստի իմաստը հասկանալու համար:

·    4-րդ դասարանի ավարտին աշակերտը մտքում պետք է կարդա այնպիսի արագությամբ, որը հնարավորություն կտա լավ հասկանալ ընթերցածի բովանդակությունը:

Առանց կարդալու հմտության բավարար մակարդակի դժվար կլինի սովորել 5-րդ դասարանում: Տարրական դպրոցում ՑԱՆԿԱԼԻ Է ՁԳՏԵԼ ԵՎ ՀԱՍՆԵԼ մտքում կարդալու արագության այսպիսի արդյունքների՝ ըստ դասարանների.  

Դասարան	Առաջին կիսամյակ	Երկրորդ կիսամյակ
1-ին	-	20 բառ և ավելի
2-րդ	մինչև 45 բառ	60 բառ և ավելի
3-րդ	մինչև 75 բառ	90 բառ և ավելի
4-րդ	մինչև 110 բառ	120 բառ և ավելի

Գնահատման ռուբրիկը (սանդղակաշար) կարող եք տեսնել հղումով:

Աստղիկ Բալայան