«Տեխնոլոգիա» առարկայի կիսամյակային ամփոփիչ բնութագրի ձևանմուշ

 «Տեխնոլոգիա» առարկայի կիսամյակային ամփոփիչ բնութագրի ձևանմուշ

2021-2022 ուսումնական տարում Տավուշի մարզի 2-րդ դասարանում սովորողների ուսումնառության արդյունքների ոչ միավորային գնահատման՝ բնութագրերի ձևանմուշների վերաբերյալ

 Նախաբան

Հանրակրթության պետական նոր չափորոշչով սահմանվել է, որ 1–4-րդ դասարաններում և 5-րդ դասարանի 1-ին կիսամյակում իրականացվելու է ոչ միավորային գնահատում, իսկ սովորողների ուսումնառության արդյունքների գնահատման նոր կարգի համաձայն՝ յուրաքանչյուր սովորողի համար որպես կիսամյակի ամփոփում կազմվելու է ուսումնական առաջադիմության բնութագիր բոլոր առարկաներից:

Տավուշի մարզի փորձարկող 2-րդ դասարանի ուսպլանով նախատեսված բոլոր առարկաների վերջնարդյունքների հիման վրա կազմվել են բնութագրերի հնգաստիճան սանդղակներ` որպես օգնություն ուսուցչին:

Յուրաքանչյուր աղյուսակի առաջին սյունակում տրված են տվյալ առարկայի ուսումնական ծրագրով սահմանված թեմաները (ԵՇԱ, Շախմատ, Մաթեմատիկա և այլն) կամ առարկայական չափորոշչով նախատեսված հիմնական հասկացություններն ու ենթահասկացությունները (օր.՝ Մայրենի), իսկ աղյուսակի առաջին տողում ներկայացված են Ա, Բ, Գ, Դ, Ե սյունակները՝ ցույց տալով առարկայական չափորոշչով սահմանված վերջնարդյունքների կատարման աստիճանը 1-ին կիսամյակի համար՝ նվազման կարգով:  

Ամեն առարկայի ուսուցիչ կարող է կազմել յուրաքանչյուր սովորողի բնութագիրը՝ հաշվի առնելով հետևյալ սկզբունքները.

-        Պետք է շարժվել վերևից ներքև և հորիզոնական՝ գնալով ձախից աջ (Ա-Ե):

-        Կարելի է ընտրել որևէ սյունակի նկարագրությունը ամբողջությամբ կամ համադրել հատվածներ տարբեր ձևակերպումներից, քանի որ նույն վերջնարդյունքի կատարման մակարդակների բաժանումը պայմանական է:

-        Պետք է խուսափել մակարդակների բաժանել երեխաներին, քանի որ քիչ հավանական է, որ որևէ սովորող բոլոր վերջնարդյունքների մասով կապահովի նույն մակարդակը:

-        Չի կարելի սյունակները համեմատել կամ նույնացնել միավորների (5-միավորային համակարգի կամ 10-միավորային համակարգի աստիճանների հետ):

-        Բոլոր բնութագրերը կազմվել են դրական շեշտադրմամբ. պետք է բացառել «Չի կարողանում», «Չգիտի», «Դժվարանում է» արտահայտությունները:

-        Ուսուցիչը կարող է ըստ անհրաժեշտության խմբագրել կամ լրամշակել ձևակերպումները՝ առավել հարմարեցնելով դրանք տվյալ սովորողի ցուցաբերած արդյունքին:

-        Բնութագիրը պետք է կցել սովորողի անձնական գործին:

 

Ցուցումներ բնութագրերի կազմման վերաբերյալ

Ներկայացված աղյուսակների Ա սյունակում ներկայացված են առարկայի առաջին կիսամյակին ուսուցնավող թեմաների վերջնարդյունքները՝ ձևակերպված բնութագրի ձևով: Սյունակը ներկայացնում է վերջնարդյունքների ապահովման առավելագույն աստիճանը: Հաջորդ սյունակները ներկայացնում են յուրաքանչյուր վերջնարդյունքի ապահովման տարբեր աստիճանները նվազման կարգով: Վերջին՝ Ե սյունակում ներկայացված է վերջնարդյունքի ապահովման նվազագույն աստիճանը:

Ուսուցիչը կարող է յուրաքանչյուր սյունակի բնութագրերին ծանոթանալով՝ ընտրել յուրաքանչյուր երեխայի համար այն ձևակերպումները, որոնք առավելապես համապատասխանում են նրա ուսումնառության արդյունքներին կիսամյակի ավարտին: Այս աշխատանքը կատարելիս ուսուցիչը պետք է հիմնվի ողջ կիսամյակի ընթացքում կիրառած ձևավորող գնահատման արդյունքների (ստուգաթերթերի, համառող գրառումների, ռուբրիկների, դիտարկումների, հայտորոշիչ առաջադրանքների և այլ գործիքների պարբերական կիրառման վերլուծությունների վրա):

Բնութագրերը կարող են կազմվել տարբեր սյունակների բնութագրումներից ընտրված նկարագրություններից՝ ամբողջացնելով սովորողի ամփոփ բնութագիրը տվյալ առարկայից: Նույն տողից  միայն մեկ բնութագրիչ կարող է ներառվել կոնկրետ սովորողի բնութագրի մեջ, քանի որ յուրաքանչյուր տողում նկարագրված են նույն վերջնարդյունքի ապահովման տարբեր աստիճանները: Չի բացառվում, որ սյունակներից մեկի բնութագրումները լիովին համընկնեն կոնկրետ սովորողի առաջադիմության արդյունքներին, սակայն առավել հաճախ դա կլինի տարբեր սյունակներից առանձնացված բնութագրիչներից կազմված խճանկար: 

«Տեխնոլոգիա» առարկայի կիսամյակային ամփոփիչ բնութագրի ձևանմուշ

Կազմեց Կարինե Պապիկյանը

Հիմնական գաղափարներ	Ա	Բ	Գ	Դ	Ե
ՆՅՈՒԹԵՐ ԵՎ ԿԱՌՈՒՑՎԱԾՔՆԵՐ /ՆԿ/   Թեմա 1. ՆՅՈՒԹԵՐ ԵՎ ՌԵՍՈՒՐՍՆԵՐ	Կարողանում է ընտրել բնական/արհեստական  նյութերը, դրանք տեսակավորում է, որակավորում, չորացնում: Կարողանում է թվարկել դրանց կիրառության բնագավառները: Կարողանում է բնական և արհեստական նյութերը նմանեցնել իրեն հայտնի երկրաչափական պատկերներին:   Կարողանում է  բնական և  արհեստական նյութերը, թուղթը նախապատրաստել աշխատանքի համար: Թվարկում է թղթի այն բոլոր տեսակները, որոնք օգտագործում են Տեխնոլոգիայի դասերին: Կարողանում է   նկարագրել, թե յուրաքանչյուր տեսակի թղթով ինչ շինվածք/ներ կարելի է պատրաստել: Կարողանում է յուրաքանչյուր շինվածքի համար ընտրել համապատասխան բնական և արհեստական նյութ/եր:   Թվարկում և նկարագրում է  գրանյութերի տեսակներն ըստ տարածքների և ժամանակագրության:	Կարողանում է ընտրել, հավաքել, որակավորել  բնական և արհեստական նյութերը:   Կարողանում է դրանք նախա­պատրաստել աշխատանքի:   Անվանում է  թղթի տեսակները: Կարողանում է  թուղթը նախա­պատրաստել աշխատանքի համար:   Կարողանում է ընտրել իր նախընտրած շինվածքին համապատասխան  թուղթ: Թվարկում է գրանյութերի տեսակներն ըստ ժամանակագրու­թյան:	Կարողանում է ընտրել, հավաքել  բնական/արհեստական նյութերը: Տարբերակում է բնական և արհեստական նյութերը: Անվանում է դրանք:   Կարողանում է  բնական/ արհես­տական նյութերը չորացնել, համապատաս- խան տեսքի բերել,  նախապատրաս- տել աշխատան­քի համար:   Կարողանում է  տարբերել թղթի տեսակները: Նկարագրում է, թե հնում հայերն ինչի վրա են գրել:   Կարողանում է նկարագրել, թե ինչ շինվածքներ կարելի է պատրաստել թղթով, բնական և արհեստական նյութերով: Կարողանում է թվարկել այդ նյութերի կիրառության բնագավառները:	Կարողանում է ընտրել, հավաքել բնական և արհեստական նյութեր: Նկարագրում է դրանց ձևը:  Անվանում է դրանք:   Կարողանում է իր ընտրած մի քանի  բնական և արհեստական նյութերը նախապատրաստել աշխատանքի համար:   Կարողանում է տարբերակել թղթի մի քանի տեսակ /գրելու, փաթեթավորման, պատճենահան, լրագրի…/: Կարողանում է թուղթը նախապատրաս տել աշխատանքի համար՝ համապատաս խան տեսքի բերել: Թվարկում է  1-2 գրանյութ:	Կարողանում է ընտրել և հավաքել 2-3  բնական/ արհեստական նյութեր,  անվանում է դրանք: Կարողանում է այդ բնական կամ արհեստական նյութերը նախապատ րաստել աշխատանքի համար: Կարողանում է ճանաչել թղթի որոշ տեսակներ /գրելու, փա­թեթավորման/ Կարողանում է տարբերակել թուղթը այլ նյութերից: Անվանում է գոնե մեկ գրանյութ:
ԳՈՐԾԸՆԹԱՑ- ՆԵՐ ԵՎ ԱՐՏԱԴՐՈՒ- ԹՅՈՒՆ /ԳԱ/   Թեմա 2. ԳՈՐԾԻՔՆԵՐ ԵՎ  ՍԱՐՔԵՐ	Ներկայացնում է թղթի, բնական/արհեստական նյութերի մշակման համար նախատեսված գործիքների ստեղծման պատմությունը: Կարողանում է ցուցադրել թղթի, բնական/արհեստական նյութերի մշակման համար նախատեսված գործիքներով աշխատելը և բացատրում է  աշխատանքի  սկզբունքը: Մեկնաբանում է այդ գործիքների ընտրությունը: Բացատրում ու ցուցադրում է  անվտանգ աշխատելու կանոնները:	Ցուցադրում է թղթի, բնական/արհեստական նյութերի մշակման համար նախատեսված գործիքներով աշխատելու  սկզբունքը:  Ցուցադրում ու մեկնաբանում է անվտանգ աշխատելու կանոնները:	Կարողանում է բացատրել նյութերի մշակման համար նախատեսված պարզ գործիքների աշխատանքի սկզբունքը: Թվարկում է անվտանգ աշխատելու կանոններ, աշխատելու ընթացքում կիրառում է այդ կանոնները::	Թվարկում է թղթի, բնական/արհեստական նյութերի մշակման համար նախատեսված պարզ գործիքները: Անվանում է դրանք: Կարողանում է  մեկ գործիքի օրինակով բացատրել աշխատանքի սկզբունքը: Կարողանում է ցուցադրել այդ գործիքով աշխատելու ձևերը:	Թվարկում է նյութերի/ թուղթ, բնական և արհեստական նյութեր/ մշակման համար նախատեսված 1-2 գործիքներ, անվանում է դրանք:
ՆՅՈՒԹԵՐ ԵՎ ԿԱՌՈՒՑՎԱԾՔՆԵՐ /ՆԿ/   Թեմա 3. ՆՅՈՒԹԵՐԻ ՄՇԱԿՈՒՄ	Կարողանում է  խնամքով և անվտանգ մշակել թուղթը, բնական և արհեստական նյութերը: Կարողանում է բացատրել և ցուցադրել նյութերի մշակման քայլաշարը:   Կարողանում է  թվարկել և պատրաստել  ապլիկացիայի տարբեր տեսակներ /ըստ նմուշի և ըստ գծագրի/ ՝ պահպանելով անվտանգության կանոնները: Կարողանում է իր նախընտրած էսքիզի կամ գծապատկերի վրա թվերի տեխնիկայով խճանկար ստեղծել: Կարողանում է նկարագրել քայլաշարը: Կարողանում է պատրաստել ապլիկացիա/խճանկար սիրած մուլտֆիլմի մոտիվներով: Կարողանում է նկարագրել օրիգամիներ պատրաստելու կանոնները: Ցուցադրում է օրիգամիում ընդունված պայմանական նշանները: Կարողանում է կարդալ օրիգամիի գծագրեր: Կարողանում է խնամքով և անթերի պատրաստել օրիգամիի նմուշներ՝ նկարագրելով և բացատրելով պատրաստման քայլաշարը: Կարողանում է ընտրել իր նախընտրած մոդելները:	Կարողանում է  մշակել թուղթը, բնական և արհեստական նյութերը՝ պահպանելով անվտանգության կանոնները:   Կարողանում է  պատրաստել  հարթ և տարածական ապլիկացիա, խճանկար՝ ըստ իր ընտրության: Կարողանում է պատրաստել իր սիրած խաղալիքը, մուլտֆիլմի հերոսին ապլիկացիայի/ խճանկարի տեխնիկայով: Կարողանում է պատրաստել ինքնաշեն խաղեր՝ «Չինական գլուխկոտրուկ», «Խճանկար շրջանի և էլիպսի մասերից»: Կարողանում է  բացատրել  օրիգամիի պայմանական նշանների իմաստը:  Կարողանում է ծալումներ կատարել ըստ գծագրի՝ կարդալ գծագրեր: Կարողանում է օրիգամիներ պատրաստել/իր  ընտրությամբ/:	Թվարկում է թղթի, բնական և արհեստական նյութերի մշակման եղանակները: Կարողանում է այդ նյութերը ծալել, կտրել, միացնել, սոսնձել:   Կարողանում է պատրաստել հարթ, առարկայական, թեմատիկ-բովանդակային, սիմետրիկ ապլիկացիա ըստ նկարի: Կարողանում է պատրաստել  հարթ, միագույն/ բազմագույն խճանկար: Կարողանում է պատրաստել պարզագույն ինք­­նաշեն խաղեր:   Ներկայացնում է օրիգամիի ստեղծման պատմությունը: Կարողանում է կարդալ օրիգամիի պայմանական նշանները: Կարողանում է կարդալ պարզ գծագրեր: Կարողանում է օրիգամիի տեխնիկայով պատրաստել կենդանիներ, թռչուններ և այլ մոդելներ /շնիկ, փիսիկ, աղավնի, մեղու, շուշան, զատիկ/:	Թվարկում է  թղթի, բնական և արհեստական նյութերի մշակման 2-3 եղանակ: Կարողանում է այդ նյութերը ծալել, կտրել, միացնել:   Կարողանում է պատրաստել հարթ, առարկայական ապլիկացիա,  միագույն խճանկար ըստ նմուշի: Կարողանում է պատրաստել ապլիկացիա, խճանկար ըստ նմուշի կամ նկարի:           Բացատրում է ՝ ինչ է օրիգամին: Ծանոթ է պայմանական նշաններին: Կարողանում է ճիշտ ծալումներ անել՝ պահպանելով անվտանգության կանոնները: Կարողանում է օրիգամիի տեխնիկայով պատրաստել պարզ մոդելներ, օրինակ՝ էջանշան, եղևնի, գլխարկ, ինքնաթիռ:	Թվարկում է նյութերի /թուղթ, բնական և արհեստական նյութեր/ մշակման 1-2 եղանակ: Կարողանում է  պարզագույն մշակումներ անել /կտրել, ծալել/:   Կարողանում է պատրաստել պարզագույն  կոմպոզիցիա բնական և արհեստական նյութերով: Կարողանում է պատրաստել պարզագույն ապլիկացիա և խճանկար:               Գիտի՝ ինչ է օրիգամին: Կարողանում է թուղթը ճիշտ ծալել: Կարողանում է պատրաստել օրիգամիի պարզագույն նմուշներ, օրինակ՝ բաժակ: