Հանրակրթության պետական նոր չափորոշչի և առարկայական նոր չափորոշիչների ու ծրագրերի, ինչպես նաև գնահատման նոր կարգի փորձարկումը Տավուշի մարզի տարածաշրջանների բոլոր դպրոցներում շարունակվում է:
ԿԶՆԱԿ հիմնադրամի կողմից իրականացվող մշտադիտարկմանը մասնակցում են նաև գնահատման մշակման և զարգացման բաժնի մասնագետները, որոնց մասնավորապես հետաքրքրում է գնահատման նոր գաղափարախոսության տեղայնացումը, ուսուցիչների և սովորողների ձեռքբերումներն ու այն դժվարությունները, որոնց հաղթահարման ուղղությամբ պետք է իրականացվեն նպատակաուղղված աշխատանքներ...
Մասնավորապես՝ հետաքրքիր է ոչ միավորային գնահատման նկատմամբ ուսուցիչների ու ծնողների վերաբերմունքի փոփոխությունը, ինչպես նաև ուսուցիչների կողմից ԿԶՆԱԿ հիմնադրամի գնահատման բաժնի բլոգում տեղադրված գործիքների կիրառումը տարբեր դասարաններում: 
Կարևոր է, որ հստակ չափանիշների վրա հիմնված գնահատմանը մասնակցում են նաև սովորողները՝ իրապես դառնալով սեփական ուսումնառության ակտիվ մասնակիցներ:
Տարբեր բարդության առաջադրանքների նպատակաուղղված կիրառումը, թեստի մեջ տարամակարդակ առաջադրանքների ներառումը՝ չանտեսելով նաև 1-ին կարգի բարդության առաջադրանքները, հնարավորություն են տալիս գնահատելու յուրաքանչյուր սովորողի՝ այդ պահի ձեռքբերումները և օգնելու նրան տեղաշարժվելու առաջ՝ դեպի սահմանված վերջնարդյունքների ապահովում:
Comments
Post a Comment