Շարունակվում են ուսումնական նախագծի գնահատման մոտեցումների քննարկումները: Ինչպես գիտենք, Հանրակրթության պետական նոր չափորոշչով նախատեսվում է, որ յուրաքանչյուր սովորող 7 - 12-րդ դասարաններում պետք է իրականացնի առնվազն մեկ ուսումնական նախագիծ՝ մեկ կամ մի քանի առարկաներից:
Ըստ այդմ՝ ուսումնական նախագծի գնահատման սանդղակաշարում մանրամասն ներկայացված են նախագծի երեք փուլերի՝ նախապատրաստում, ընթացք և ներկայացում, ենթափուլերը: Դրանք նաև հուշում են ուսուցչին և սովորողին՝ ինչին պետք է ուշադրություն դարձնել նախագծի իրականացման ժամանակ:
Աշխատանքները շարունակական են լինելու, սակայն ուսումնական նախագծի գնահատման սանդղակաշարի նախագիծը կտեղադրվի ԿԶՆԱԿ-ի գնահատման բաժնի բլոգում՝ խնդրանքով և սպասումով, որ ուսուցիչները ակտիվորեն կմասնակցեն այն բարելավելու և վերջնական տեսքի բերելու աշխատանքներին:
ԿԶՆԱԿ-ի գնահատման մշակման և զարգացման բաժնի մասնագետները տարբեր բաժինների մասնագիտական խմբերին ներկայացրին իրենց մշակումները՝ կապված ուսումնական նախագծի գնահատման հետ և ներկայացրին գործիքներից մեկը՝ գնահատման սանդղակաշարը (ռուբրիկ): Քննարկման արդյունքում հստակեցվեցին շատ հարցեր, այդ թվում՝ ուսումնական նախագծի փուլերի քայլերը, գնահատման սանդղակաշարում ներառված չափանիշները և այլն:
Comments
Post a Comment