Սովորողների ուսումնառության
արդյունքների գնահատումը ուսումնական գործընթացի կարևորագույն բաղադրիչներից մեկն է,
որը պահանջում է մանրակրկիտ, խորքային, կշռադատված որոշումներ և լուծումներ,
ինչպես նաև՝ կիրառող կողմերի համար հնարավորինս պարզ և հարմարավետ ձևեր, միջոցներ
և գործիքներ:
Գնահատման
մշակման և զարգացման բաժնի մասնագետները Տավուշի մարզում, Հանրակրթության պետական
նոր չափորոշչի փորձարկման ողջ ընթացքում, իրականացրել են հարցումներ,
քննարկումներ, վերլուծություններ՝ կարիքի գնահատման նպատակով և փորձում են
դիտարկումներն ու առաջարկները, կարիքի գնահատման հարցումների վերլուծությունները
համադրելով՝ մշակել մեթոդաբանության առանցքային գաղափարներն ու սկզբունքները:
Գնահատման բաժինն այն արդեն մշակել և գործընկերներին է ներկայացրել մասնագիտական
դիտարկումների և առաջարկների նպատակով:
Շուտով Տավուշի ուսուցիչներին կտրամադրվի երկար սպասված՝ Հանրակրթության պետական նոր չափորոշչով սահմանված՝ ՀՀ ուսումնական հաստատությունների սովորողի ուսումնառության արդյունքների գնահատման նոր կարգին համապատասխան մեթոդաբանությունը:
Comments
Post a Comment