ՍՈՎՈՐՈՂՆԵՐԻ ՈՒՍՈՒՄՆԱՌՈՒԹՅԱՆ ԱՐԴՅՈՒՆՔՆԵՐԻ ԳՆԱՀԱՏՄԱՆ ԿԻՐԱՌՄԱՆ ՎԵՐԱԲԵՐՅԱԼ ՈՒՍՈՒՑԻՉՆԵՐԻ ԿԱՐԻՔՆԵՐԻ ԳՆԱՀԱՏՈՒՄ
Սույն թվականին, ԿԶՆԱԿ հիմնադրամի Գնահատման մշակման
և զարգացման բաժնի մասնագետների կողմից իրականացվել են հերթական վերապատրաստման դասընթաները
Տավուշի մարզի հանրակրթական ուսումնական հաստատություններում` Հանրակրթության պետական
նոր չափորոշչի փորձարկման նպատակով:
Գնահատման մշակման և զարգացման բաժինը նախապատրաստել
էր սովորողների ուսումնառության արդյունքների գնահատման նոր համակարգի յուրացման և
կիրառման վերաբերյալ ուսուցիչների կարիքների գնահատման հարցաշար:
Հարցումը կատարվել է տարբեր կազմ ունեցող ուսուցչական
խմբերում:
Ստորև տեղադրում ենք կատարված հարցման վերլուծությունը:
Հարցաթերթերի վերլուծությունից պարզ է դառնում, որ մասնակիցները ընդհանուր առմամբ գիտեն գնահատման նպատակը և ճիշտ են պատասխանել հարցին, հաջորդ հարցերից ևս պարզ է դառնում, որ ուսուցիչները բավական լավ են կողմնորոշվում ձևավորող , հայտորոշիչ և ամփոփոիչ գնահատման տեսակների միջև, այդուհանդերձ ուսուցիչների մոտ 30%-ը այնքան էլ լավ չի պատկերացնում հայտորոշիչ և ձևավորող գնահատման առանձնահատկությունները:
Վերլուծությունից հետևում է, որ այնուամենայնիվ մասնակիցների մեծ մասը գնահատման արդարությունը ապահովելու համար կարևորել է սովորողի առաջընթացի վերլուծությունը: Մասնակիցների միայն 1/3-ն է կարևորել գնահատման չափանիշներին համապատասխանության ապահովումը, որն էլ ճիշտ պատասխանն է:
Մասնակիցների մեծ մասը ճիշտ էին ընտրել առաջին կարգի բարդության առաջադրանքների բնութագրիչների բայերիը: Սակայն մոտ 20%-ը 3-րդ կարգի բարդության առաջադրանքների բնութագրիչները վերագրել էին առաջինին, ինչը մտահոգիչ է և նախանշում է հետևողական աշխատանք ուսուցիչների հետ:
Ուսուցիչների մոտավորապես 65%-ը ճիշտ է պատասխանել բոլոր հարցերին:
Այսպիսով, վերլուծելով գնահատման վերաբերյալ մասնակիցների ունեցած գիտելիքների շրջանակը կարող ենք առանձնացնել հետևյալ կետերը, որոնց ուղղությամբ ուսուցիչների մոտ 30% կարիք ունի սեմինար-խորհրդատվությունների:
- Գնահատման առաջադրանքների բարդության տարբեր աստիճանների վերաբերյալ:
- Գնահատման տեսակների և գործիքների վերաբերյալ:
- Գնահատման 10-միավորային սանդղակի բնութագրիչների վերաբերյալ:
- Նախագծային աշխատանքների կազմակերպման և գնահատման վերաբերյալ:
Comments
Post a Comment