Կայացավ ԿԶՆԱԿ հիմնադրամի գնահատման մշակման և զարգացման բաժնի մասնագետների հերթական հանդիպումը հանրապետության դպրոցների ուսումնական գծով փոխտնօրենների և ՄՄ նախագահների հետ:
Ուրախալի է, որ հանդիպումից հանդիպում մասնակիցների հարցերը դառնում են ավելի խոր ու բովանդակային, իսկ գնահատման նոր գաղափարախոսությունը՝ ընդունելի և ընկալելի ուսուցիչների կողմից:
Հանդիպման մասնակիցներին հետաքրքրում էին մասնավորապես ամփոփիչ գնահատմանն առնչվող հարցերը՝ որ առարկայից քանի անգամ պետք է ամփոփիչ ստուգում իրականացնել, ինչպես են գնահատականները անցկացվում էլմատյան, ինչպես է որոշվում ամփոփման փուլը, ինչպես ընտրել համապատասխան ձևը և այլն:
Հանդիպումներն օգնում են մասնակիցներին սովորել ոչ միայն գնահատման մասնագետներից, այլև միմյանցից՝ հաջողված փորձի ներկայացման, ինչպես նաև բազմաթիվ հարցերի բարձրացման շնորհիվ:
Comments
Post a Comment