Կայացավ ԿԶՆԱԿ հիմնադրամի գնահատման մեթոդաբանության մշակման և մշտադիտարկման բաժնի հանդիպում - քննարկումը գնահատման մենթորների հետ:
Ավարտվել են Հանրապետության բոլոր դպրոցների՝ նոր ուսումնական տարվա 3-րդ, 6-րդ, 8-րդ և 11-րդ դասարանների ուսուցիչների վերապատրաստումները «Գնահատում» թեմայով, և հանդիպման ժամանակ մենթորները ներկայացրին իրականացրած աշխատանքների արդյունքները և ծագած դժվարությունները, մասնավորապես՝ այն հարցերը, որ ուսուցիչները բարձրացրել են սեմինարների ժամանակ:
Ուսուցիչների հարցերը հիմնականում կապված են ամփոփիչ գնահատման իրականացման հետ՝ ինչպես որոշել գնահատման փուլը, ինչպես ընտրել ամփոփիչ գնահատման ձևերը, ինչպես իրականացնել գրանցումները և այլն: Բնականաբար, ուսուցիչներին հետաքրքրում են արդյունավետ ձևավորող գնահատում իրականացնելու մոտեցումները, քանի որ միայն այդ դեպքում հաճախակի միավորային գնահատում իրականացնելու կարիք ու անհրաժեշտություն չեն ունենա:
Գնահատման մենթորների բոլոր հարցերին տրվեցին սպառիչ ու ամբողջական պատասխաններ, ներկայացվեցին գնահատման չափանիշներում կատարված նոր թարմացումները:
Մենթորների հետ մշտական կապը հնարավորություն կտա միջնորդավորված համագործակցություն ապահովել բոլոր ուսուցիչների հետ:
Comments
Post a Comment