ԿԶՆԱԿ հիմնադրամի գնահատման մեթոդաբանության զարգացման և մշտադիտարկման բաժինը սեմինար - հանդիպում ունեցավ Վայոց ձորի մարզի Եղեգնաձորի տարածաշրջանի դպրոցների տնօրենների, փոխտնօրենների և մեթոդմիավորման նախագահների մասնակցությամբ:
Աշխատելով նախապես ձևավորված 3 տարբեր խմբերում՝ բաժնի մասնագետներին հաջողվեց նախ՝ համառոտ ներկայացնել գնահատման նոր համակարգի կարևոր մտքերը, ցույց տալ գնահատման տեսակների նպատակներն ու խնդիրները, անցկացման ձևերը, այնուհետև լսել դպրոցների հարցերն ու վերլուծել խնդիրները:
Լսվեցին հանդիպումների մասնակիցների բոլոր հարցերը, դրանց տրվեցին հիմավոր պատասխաններ, քննարկվեցին առանձին դպրոցներին վերաբերող խնդիրներն ու դժվարությունները: Կարևոր է, որ Teams հարթակում ձևավորված խմբերը մշտական կապ կստեղծեն դպրոցների ղեկավարների և գնահատման բաժնի մասնագետների միջև:
Նման սեմինար - հանդիպումներ նախատեսվում են բոլոր մարզերի դպրոցների առաջնորդների հետ՝ աշխատելու փոքր խմբերով և անդրադառնալու առկա բոլոր խնդիրներին:
Comments
Post a Comment