Հունիսի 1-ին կայացավ «Կրթությունը՝ պետության հենասյուն» խորագրով ուսուցչական առաջին համաժողովը, որին մասնակցեցին նաև ԿԶՆԱԿ-ի գնահատման բաժնի մասնագետները:
Համաժողովի շրջանակում կազմակերպվեցին աշխատարաններ 4 թեմատիկ ուղղություններով, որտեղ զեկուցումներով հանդես եկան շուրջ 60 ուսուցիչներ, ինչպես նաև կազմակերպվեցին քննարկումներ կլոր սեղանի ձևաչափով, որոնցից մեկը նվիրված էր գնահատմանը: Խոսնակներ Սաթենիկ Հայթյանը (ԿԶՆԱԿ հիմնադրամ), Կարինե Գրիգորյանը (Երևանի հ. 139 ավագ դպրոց), Լուսինե Թումանյանը (Բերդի ավագ դպրոց) և Լաուրա Գրքիկյանը (Գյումրու հ. 1ավագ դպրոց) խոսեցին գնահատման տեսակներից, հայտորոշիչ և ձևավորող գնահատման մոտեցումներից ու հետադարձ կապից, սովորողների դիրքորոշումների ու հմտությունների գնահատման ձևերից և այլն:
Հետաքրքիր էին նաև ուսուցչի հարցերը, մասնավորապես ԿԱՊԿ ունեցող սովորողների գնահատման վերաբերյալ տեսակետները, ամփոփիչ գնահատման ձևերի մասին մտքերը և այլն:
Comments
Post a Comment