Մայիսի 31-ին Երևանի պետական համալսարանում կայացավ ՀՀ կրթության, գիտության, մշակույթի և սպորտի նախարարության և ԿԶՆԱԿ հիմնադրամի կողմից կազմակերպված «Նորարար ուսուցիչ՝ հզոր պետություն» խորագրով ուսուցչական 3-րդ համաժողովը: Համաժողովի նպատակն էր տարածել հանրակրթության պետական չափորոշչի ներդրման առաջավոր փորձը, հանրակրթական պետական չափորոշչի ներդրման գործընթացում միավորել ուսուցչական աշխատանքի մտավոր ներուժը և խթանել մասնագիտական զարգացումը: Համաժողովը կազմակերպվում է տարին երկու անգամ՝ նվիրված Երեխաների պաշտպանության միջազգային օրվան և Ուսուցչի տոնին:
Համաժողովի հանրապետական փուլին նախորդել է մարզային փուլը, որի ընթացքում հարյուրավոր ուսուցիչներ մենթոր դպրոցներում ներկայացրել են իրենց թեմաները:
Համաժողովի շրջանակում կայացել է նաև «Գնահատման նոր մոտեցումների կիրառումը ուսուցման գործընթացում» խորագրով աշխատարանը՝ հետևյալ կազմով և բովանդակությամբ
1. «Գնահատում» - Լուսինե Ալեքսանյան՝ ԿԶՆԱԿ հիմնադրամի գնահատման բաժնի պետ
2. «Հայտորոշիչ գնահատում» - Անահիտ Իսպիրյան՝ Աշտարակի Վ. Պետրոսյանի անվ. հ/դ դասվար
3. «Ձևավորոշ գնահատում» - Արման Սիմոնյան՝ Հաղպատի մ/դ ուսուցիչ
4. «Ամփոփիչ գնահատում» - Հերմինե Աբրահամյան՝ «Ակունքի» մ/դ ուսուցիչ:
Աշխատարանի աշխատանքը համակարգում էր ԿԶՆԱԿ հիմնադրամի գնահատման բաժնի մասնագետ Աստղիկ Բալայանը:
Comments
Post a Comment