Հղում_Հմտությունների և վերաբերմունքի գնահատման ստուգաթերթ
Հղում_Հմտությունների և վերաբերմունքի գնահատման ստուգաթերթ_pdf
Սովորողների հմտությունների և վերաբերմունքի գնահատման ստուգաթերթ (ՁԳ)
Ներկայացնում ենք ձևավորող գնահատում իրականացնող ուսուցչի դիտարկման թերթիկի օրինակ, որը կարելի է կիրառել տարբեր ուսումնական փուլերի համար և տարբեր նպատակներով: Այս տարբերակը մշակվել է սովորողների տարբեր հմտությունների և վերաբերմունքների ձևավորման ընթացքը դիտարկելու և ի վերջո՝ գնահատելու համար: Ուսուցիչը ազատ է ընտրության մեջ, կարող է ընտրել չափանիշները՝ անհրաժեշտ դիտարկման ենթակա հմտություններն ու վերաբերմունքները՝ կախված ուսումնական փուլի նպատակներից: Ստուգաթերթը կարող է կազմվել, օրինակ, միայն սոցիալական հմտությունների վերաբերյալ չափանիշներից կամ վարքագծային, արժեհամակարգային չափանիշներից: Ստուգաթերթը կարող է լրացվել մեկ-երկու ամսվա համար, կամ կիսամյակի: Վերջում՝ ամփոփման փուլում, ստուգաթերթի վերլուծությունից հետո, կազմվում է յուրաքանչյուր սովորողի բնութագիրը:
Ստուգաթերթով աշխատելու ձևը. Ներկայացված
ստուգաթերթում նշված չափանիշները ավելի հարմար են համագործակցային աշխատանքների, էքսկուրսիաների,
փորձերի, գործնական աշխատանքների ժամանակ սովորողներին դիտարկելու համար: Սակայն չափանիշները
կարող են մշակվել այլ նպատակներին, գործունեության այլ ձևերին համապատասխանեցված: Կարելի
է մշակել նաև ակադեմիական նպատակներ կոնկրետ առարկաների մասով, օրինակ՝ մաթեմատիկայի, կենսաբանության, լեզուների համար և բխեցնել ընդհանրական վերջնարդյունքներից և դիտարկել: Յուրաքանչյուր չափանիշի դիմաց
սովորողը կարող է մի քանի նշումներ
ունենալ, իսկ որոշ չափանիշների վերաբերյալ չունենալ, ինչը ցուցանիշ կարող է լինել,
թե սովորողի մեջ
ո՛ր որակներն է պետք զարգացնել,
որո՛նք բարելավել, իսկ որո՛նք են, որոնց ուղղությամբ սովորողը մեծ հաջողություններ
է ցուցաբերել: Ուսուցիչը նշում պետք է անի ամեն անգամ, երբ նկատում է այդ չափանիշի
կիրառում, որպեսզի նշումների խտությունից
նույնպես կարողանա եզրակացություն անել: Այս չափանիշների օգնությամբ հեշտությամբ կարող
է ձևավորվել բնութագիր, որոնց
վերաբերյալ ուսուցիչը մի քանի մեկնաբանություն և դիտարկում ունենալով՝ կարող է բավականին ծավալուն և օբյեկտիվ բնութագիր ձևակերպել: Օգտվելով մեր ներկայացրած
ստուգաթերթի նշումներից՝
Սովորղ 1-ի և
Սովորող 2-ի համար կունենանք
այսպիսի բնութագրեր.
Սովորող
1
Սովորողը
(անուն, ազգանուն) հաճախ է գեներացնում
նոր մտքեր, ունի ստեղծագործական ջիղ, հաճույքով և հաճախ է ստանձնում ընկերներին սովորեցնելու և բացատրելու դերը: Նույնքան պահանջկոտ
է թե՛ իր հանդեպ, թե՛ ընկերների, հաճույքով
է նոր տեղեկություններ գտնում ուսումնասիրվող նյութի մասին: Արագ է կողմնորոշվում և
անաչառ է ինքն իրեն և ընկերներին գնահատելիս: Հաճույքով է աշխատում բոլոր ընկերների
հետ անխտիր, բարի է և արդարամիտ:
Սովորողը
(անուն, ազգանուն) չափազանց
պատասխանատու է և մեծ ուշադրությամբ է կատարում հանձնարարությունները, տեղեկություններ
է հավաքում, ընդունում և ենթարկվում է կանոններին: Համագործակցում է բոլորի հետ անխտիր,
կարողանում է լսել, սիրում, խրախուսում և ոգևորում է ընկերներին: Մաքրասեր է, հոգատար
թե՛ ընկերների, թե՛ բնության ու կենդանիների, թե՛ մեծահասակների հանդեպ, բարի է, սրտացավ
և խնայող վերաբերմունք ունի իր շրջապատի մարդկանց և համայնքի հանդեպ: Հարգալից է ուսուցիչների և մեծահասակների հանդեպ:
Բնութագրերը ընդգծում են սովորողների
հաջողությունները և ձևավորվում են դրական համատեքստում, սակայն ուսուցչի ուշադրությունից
չպետք է վրիպեն այն վանդակները, որոնցում նշումներ չկան կամ հատուկենտ են: Ուսուցչի ամենակարևոր դիտարկումները պետք է լինեն
այն ուղղությամբ, թե ինչպես է հնարավոր բարելավել
սովորողի ցուցանիշները, և թե ինչպես
սովորողը կարող է ձեռք բերել
այն որակներն ու հմտությունները,
որոնք պակաս արտահայտված են ստուգաթերթում:
Հեղինակ՝ Լուսինե Ալեքսանյան
Ցանկալի է՝ տաք նաև ստուգաթերթերն ու ռուբրիկները ներբեռնելու հնարավորություն, որպեսզի կարողանանք օգտվել արդեն կազմված նմուշներից:
ReplyDelete